Para os máis científicos... NOVO EXPERIMENTO EN BIBLIOGALDO!!
QUEN SE ANIMA?? CARREIRA DE GLOBOS!!
Se entrades en Bibliogaldo podedes aprender quen era ISAAC NEWTON e que relación garda co experimento desta semana!! Se o averiguades poñede as vosas conclusións nos comentarios.
SORPRESAA!! Vaia vídeo máis chulo verdade? Durante este curso moitos de vós baixastes ao invernadoiro a plantar e a aprender moitas cousas. Xa sabemos
que as plantas fabrican o seu propio alimento mediante o proceso da
Fotosíntese. Pero vamos a seguir aprendendo máis cousiñas sobre elas.
Ollade estos
vídeos e despois contestade ás preguntas que vos propoño.
Agora collede
o voso caderno de Ciencias Naturais ou un folio e contestade ásseguintes preguntas.
OLLO!!!! Tedes
que facer os vosos traballos en lingua galega, aínda que os vídeos están en
castelán.
·Realiza un debuxo dunha
planta sinalando cada unha das súas partes.
·Explica que función ten
cada parte da planta.
·Debuxa unha folla e sinala
as súas partes.
·Hai moitos tipos de follas. Como poden ser as
follas segundo a forma e o bordo? Podedes debuxalas!
·Busca e escribe plantas
que teñan o talo leñoso e outras que teñan o talo herbáceo.
·Na nosa dieta temos
alimentos vexetais como as leitugas, as patacas, os espárragos ou as cenorias. Investiga
que parte da planta son e se podes pon máis exemplos. Enviade os vosos traballos ao correo electrónico para preparar un libro dixital con todos!!
De todas as opcións… Cales son divisións exactas (non sobra
nada)? E cales son divisións enteiras (sobra algún elemento)? Lembra que hai algunhas que non son divisións porque os repartos non son iguais!!
Podedes poñer os vosos resultados nos comentarios.
E AGORA ANIMÁDESVOS A DEBUXAR OU FOTOGRAFAR AS VOSAS
DIVISIÓNS? Agardo os vosos correos electrónicos e irei poñendo nesta entrada o
que reciba!!
En BIBLIOGALDO hai novos xogos!! Que sabemos que vos gustan moito!! Xa sodes uns expertos sobre a vida e a obra do escritor das Letras Galegas 2020, Ricardo Carvalho. No blogue da biblioteca tedes dous xogos máis, un de piratas, para seguir aprendendo. Premede na imaxe e a xogar!!
Como? Aínda non te enteraches? Hai novo experimento científico no recuncho Xogando coa ciencia de Bibliogaldo!! Esta semana o experimento consiste en crear un arco da vella. E tamén hai outro no que temos que pescar un cubiño de xeo cun fío. Clica na imaxe e mira os vídeos!!
A semana pasada os compañeiros Bruno e Jesús enviaron os seus vídeos facendo os experimentos. A ver si vos gustan!!
Aquí tedes unha actividade da mestra Carmen!! Encantoume!! No seu blogue SUPER ESCOLA MÚSICA ten moitas actividades para tod@s. Lembrade que podedes acceder desde a columna da dereita.
Chegou o momento de poñer en práctica os vosos coñecementos rítmicos!
Para iso, buscade ou pintade catro folios (un vermello, un amarelo, un verde e un azul) e colocádeos nesa orde (de esquerda a dereita) enriba dunha mesa, e diante deles colocade o ordenador, o móbil ou a tablet na que vas ver o vídeo.
A continuación, deberás imitar os patróns rítmicos que se fan no mesmo no tempo que queda libre e seguindo o ritmo da melodía e o código de cores.
Mira este exemplo!
Podedes gravar un vídeo facéndoo e envialo por correo electrónico.
A música é un medio de expresión e comunicación que se empregou ao longo da historia para expresar sentimentos, emocións, estados de ánimo e ideas.
Todas as culturas, países e/ou rexións, dende as primeiras civilizacións ata as máis actuais, crearon e crean música cunhas características propias que a identifican e a diferencia das demais. Grazas á lingua, ao ritmo, á melodía e aos instrumentos empregados poderiamos distinguir unha canción africana dunha chinesa.
Agora é o momento de profundizar na nosa música, na música galega. Para iso, mira esta presentación!
Demostra que eres un experto en música galega con este xogo! Debes enviar o código por correo electrónico.
Xa fixestes o xogo de fuga sobre as Letras Galegas 2020?? Está xenial! É moi entretido!! Aprendín moitas cousiñas
sobre o escritor homenaxeado este ano Ricardo Carvalho Calero.
Nun xogo de fuga tedes que conseguir un código
para poder resolvelo. Lembrades o xogo que fixemos o ano pasado no colexio?
Entre todos tivemos que conseguir abrir un cofre. Nel había unha chave que
abría a porta do ximnasio onde estaba atrapado Antón Fraguas (o profe Luís
estaba disfrazado, hehe).
Pois este ano o xogo de fuga é virtual. A ver se o
conseguides!!
Enviádeme o código ao meu correo electrónico. O código está relacionado cunha data na vida do escritor, saberíades dicir cal é? Contádemo tamén no correo.
Escoitade
atentamente este audio da mestra Ermi. Explica como tedes que facer a
actividade COMO CHO CONTO!!
Non teñades présa por facela, a actividade é máis difícil do que
parece, pensade ben as vosas palabras. Podedes preparar un pequeno texto para
logo facer o audio.
Como
xa vos dixen, estamos na Semana das Letras e imos converternos en reporteirospor uns días. Os nenos e nenas de 3º faremos un programa
para explicar certas cousiñas sobre a fala e a escrita galega.
Antes
de comezar… botádelle unha ollada aos vídeos do programa NON DIGAS…DIGOCHO EU! da
TVG. Explican a normativa galega de forma moi clariña e concisa. Aquí tedes uns exemplos, pero podedes
atopar moitos videos máis en youtube.
Gústavos? A que o explican moi ben!!
Pois nós imos facer un programa así explicando os erros máis habituais que cometemos cando falamos e cando escribimos en galego.
PASOS A SEGUIR!!
Ao final desta
entrada tedes un listado de palabras que dicimos e escribimos de forma incorrecta. Escollede unha
das opcións e escribide a elixida nos comentarios para non coincidir cos
compañeir@s. Así que antes de decidirte... fíxate en cales están pilladas!!
Cando teñades a palabra, hai que documentarse. Como se escribe en galego? Que diferenza hai co castelán? Hai diferenza entre a fala e a escrita?
E cando teñades toda a información xa estades preparados para facer o último paso: gravar un audio coa vosa explicación utilizando a ferramenta VOCAROO (premede na imaxe para acceder).
Enviade o voso audio ao meu enderezo electrónico e ao da mestra Ermi ermiclase@gmail.com. Ao final faremos un vídeo unificando as vosas mensaxes de audio coa palabra escrita.
CAL ELIXIDES?
§Non digas abuelo, di avó.
§Para saúdar, non escribas hola, sería ola!. En
galego os signos de interrogación e admiración só se poñen ao final da oración.
§Non digas noraboa, di parabéns.
§Non digas cumpreanos, di aniversario.
§Non escribas voto de menos, sería boto de menos. Votar
ten outro significado a botar.
§Non digas bos días, en galego é bo día.
§Non digas Navidad nin navideño, di Nadal.
§Non digas “basoira”, di lixo. Vasoira escríbese con v e
ten outro significado.
§Non digas periódico, di xornal.
§Non digas pranta, di planta.
§Non digas nin escribas unhos, sería uns. Un, unha,
uns, unhas.
§Non digas primaveira, di primavera.
§Non digas oscuro, di escuro.
§Non escribas hay, sería hai.
§Diferenza: é do verbo ser , e conxunción
para unir palabras.
§Non escribas grabar, en galego é gravar.
§Non escribas barrer, en galego sería varrer.
§Non escribas pra, sería para. Hai diferenzas entre
a fala e a escrita.
O próximo domingo celébrase na nosa terra o DÍA DAS LETRAS
GALEGAS. Cada 17 maio os galegos honramos a nosa lingua e a nosa literatura.
Pero saberíades dicirme por que as Letras Galegas se celebran
precisamente nesta data? E desde cando as celebramos?
Facede as vosas pescudas e poñédeas nos comentarios.
En BIBLIOGALDO (preme ou accede ao blogue desde a columna da dereita) tedes
unha presentación interactiva cun montón de recursos para aprender cousiñas sobre o Día das Letras Galegas e o escritor homenaxeado este ano 2020, RICARDO CARVALHO CALERO.
Tamén podedes atopar un xogo de fuga. Buscade esta imaxe e comezade a xogar.
Aprendede moito sobre esta data tan especial para os galegos!! E ESTADE ATENTOS porque nos próximos días explicareivos a actividade que a clase de 3º vai facer sobre as Letras Galegas, convertirémonos en pequenos reporteiros!!
Na videoconferencia do venres
moitos me dixestes que vos gustaría que houbera máis experimentos
científicos.
Pois a partir de agora no blogue
da nosa biblioteca hai unha pestana chamada XOGANDO
COA CIENCIA, onde cada semana se irán colgando experimentos para que
fagades na casa.
Se premedes na imaxe accededes
de forma directa e xa podedes ver o primeiro experimento que se propón: inflar un
globo dunha maneira diferente.
Se vos apetece gravade un vídeo
facendo o experimento e enviádeo ao enderezo electrónico bibliogaldo@gmail.com.
A Realidade Aumentada (R.A.) é un tipo de tecnoloxía que
permite combinar unha imaxe real cunha imaxe virtual a través
dunha pantalla (teléfono móbil, ordenador, tablet...). Deuse a coñecer
mundialmente a través do xogo Pokemon
GO.
Apetécevos probar?
PASOS A SEGUIR:
1. Pide a un
adulto un teléfono móbil ou ao
mellor pode valer a vosa tablet.
OLLO! Hai algúns móbiles que non son
compatibles.
2. Busca en Google Chrome o nome dun animal ("tigre", "lobo", "oso",
"oso panda", "cabra", "gato",
"pingüino", "tiburón", "erizo",
"caballo", "pato", "pulpo", "águila",
"perro", "tortuga"...).
3. Elixe a opción "Ver en 3D".
4. Preme en "Ver en tu espacio".
5. Apunta co
móbil cara abaixo e móveo en círculos.
6. Axusta ao
teu gusto o seu tamaño.
7. Sácalle unha foto.
Deste
xeito poderedes atopar na vosa casa un enorme tigre ou un pequeno pingüín.
Tamén podedes sacar unha foto con eles, como se estiveran ao voso carón.
Se sodes capaces enviádeme a vosa
foto ao meu correo electrónico e ireinas colgando no blogue para que as vexan
os vosos compañeiros.
Alá polo mes de marzo, cando tivemos que deixar o cole para quedarnos na casa e protexernos do Coronavirus, estabamos aprendendo a facer as divisións. Lembrades??
Cando dividimos estamos repartindo. Se premedes nas imaxes tedes uns xogos para practicar!!
E agora ollade este vídeo que preparou a mestra Inés. A ver se sodes capaces de resolver o reparto que vos propón. Podedes poñer as vosas respostas nos comentarios.
Levamos moitos días sen
vernos e imos intentalo mediante unha videochamada.
Como imos participar nunha videochamada grupal na que participará moita xente, tedes que ler atentamente a seguinte información. Son normas de funcionamento que hai que ter claras para que a videochamada sexa un éxito.
Volvede a lela
tantas veces como sexa preciso!!
Que temos que saber?
Temos que respectar o turno
de palabra. Se isto é moi importante en calquer conversa, nunha
videochamada moito máis. Se dúas persoas falan a un tempo, o audio non funciona
ben e é imposible escoitar algo.
Levantade a man e a
titora, que actuará como moderadora, irá dando o turno de palabra.
Debemos estar nun lugar
libre de ruidos e onde non haxa outras persoas (evitar música de
fondo, ventás abertas, estar preto do lavavaixelas funcionando...)
A iluminación tamén é
importante para que se nos vexa ben. O fondo, canto menos recargado mellor, se podes escoller unha
parede de fondo en lugar dunha estantería, moito mellor.
Recorda que a túa imaxe
importa. Acude á cita aseado e ben vestido. Haberá moita xente véndote.
Igual que te arreglas para ir ao cole terás que facelo para unha
videoconferencia.
Sé puntual. Conéctate
uns minutos antes por se tes dificultades ter tempo a resolvelas. Sé tes algún
problema para conectarte, envíame un correo electrónico.
Que imos facer? Como se vai estructurar?
Imos comezar falando de un en un de aquilo
que nos apeteza compartir co resto de compañeiros/as. Como nos sentimos?
Que cousa nos gusta facer durante o confinamento? Despois falaremos do traballo que estamos facendo no blogue: as dificultades que atopamos, que debemos mellorar, que actividades vos gustaría que aparecesen no blogue...
E por último, intentaremos facer uns xogos. Para que podamos levalos a cabo
sen dificultade explicaranse as normas ao comezo, se alguén ten dúbidas
levantará a man e resolveranse. Unha vez comecemos a xogar só contestará aquela
persoa á que se lle de o turno de palabra. Recordade que somos moitos e temos
que respectarnos.
Que ides necesitar?
Lápis, goma e papel onde anotar.
Apetécevos
facer esta videochamada? Que é o
que máis vos apetece? Algunha
suxerencia ou idea?Escribide as vosas opinións nos comentarios.
Próximamente
recibiredes por Abalar a data e hora da reunión, así coma os datos de
acceso. Nos vos esquezades de ver o videotitorial de acceso
para estar preparados chegado o momento.