CAZAPALABRAS 2

Recordades a actividade que fixemos fai pouco cazando palabras nas revistas, xornais ou folletos publicitarios??

Pois imos volver a facela!! Pero esta vez non tedes que buscar substantivos, adxectivos ou verbos.

ATENTOS!!

Collede un folio, facede tres columnas e escribide PALABRAS AGUDAS na primeira, PALABRAS GRAVES na segunda e PALABRAS ESDRÚXULAS na terceira. Agora collede as revistas, xornais ou folletos e buscade entre as súas páxinas palabras. Recortádeas e rodeade en cada unha delas a sílaba tónica (a que se pronuncia con máis forza dentro da palabra). Por último, pegádea na columna correspondente.

LEMBRADE!

As PALABRAS AGUDAS teñen a sílaba tónica na última sílaba.

As PALABRAS GRAVES teñen a sílaba tónica no penúltimo lugar.

E as PALABRAS ESDRÚXULAS teñen a sílaba tónica no antepenúltimo lugar.

A continuación tedes uns xogos online para practicar. Premede na imaxe!

FOTOSÍNTESE

Acordádesvos que cando estudiamos os corais aprendimos que viven en augas pouco profundas para  realizar a fotosíntese? Estabamos todos estrañados porque os corais son animais, non plantas! Pero claro, quen realiza a fotosíntese non son estes peculiares animaliños, senón que son as microalgas chamadas Zooxantelas que viven no interior dos seus tecidos.

A FOTOSÍNTESE é o proceso mediante o cal as plantas fabrican o seu propio alimento (función da NUTRICIÓN) . No seguinte vídeo tedes información, escoitade!! 

Agora que xa tedes información, collede o voso caderno de Ciencias Naturais (se non o tedes na casa, collede un folio) e realizade as seguintes actividades.

OLLO! O vídeo está en castelán, pero debedes realizar os vosos traballos en lingua galega. Se non sabedes como se di unha palabra, buscade no dicionario da RAG (Real Academia Galega); tedes o enlace na columna da dereita.

• Que necesitan as plantas para fabricar o seu propio alimento?
• Que é a clorofila?
• Cando se leva a cabo a fotosíntese e  por que?
• Explica coas túas palabras o proceso da fotosíntese para elaborar o zume bruto e o zume elaborado.
• Realiza un debuxo que acompañe a túa explicación.
• Por que é tan importante a fotosíntese para todos os seres vivos?
• As plantas respiran e fan a fotosíntese. Que diferenzas hai entre estes dous procesos?

Para entender a última cuestión, botade unha ollada a este experimento que realizaron os nenos e nenas de 5º o curso pasado. Fan un experimento para explicar que fan as plantas cando respiran e o que fan cando realizan a fotosíntese. ESCOITADE!!

EDUFISGALDO!!

ATENCIÓN NENOS E NENAS!! 
TEMOS NOVO BLOGUE DE EDUCACIÓN FÍSICA!!
  
A mestra Rebe non quería deixar de estar en contacto con vós!!

Botádelle  unha ollada!! Mañá teredes unha sorpresa!!


Clicade na imaxe e accederedes ao seu blogue de Educación Física. Tamén tedes o enlace na columna da dereita, no apartado "Blogues de interese".

PARABÉNS MANU!!

Hoxe domingo 26 de abril é o aniversario de Manu.

MOITOS PARABÉNS PARA TI!!!

Escoita a canción de Uxía Lambona e a Banda Molona!!!! MOLAAAAAA!!

RECORDADE POÑER OS VOSOS PARABÉNS NOS COMENTARIOS.

HOVERCRAFT

O noso compañeiro Bruno fixo un vídeo, coa axuda do seu irmán, realizando unha manualidade. UN HOVERCRAFT!!
Estade atentos ao vídeo e despois fareivos unhas preguntiñas.

Sabedes o que é un HOVERCRAFT? Buscade como se di en galego.
Que características teñen estes aparellos? Para que se utilizan?

Podedes facer un pequeno texto en galego acompañado dun debuxo explicando o que é e as súas características. E por suposto, se tedes os materiais podedes facer a manualidade!!


A continuación tedes os traballos que xa fixeron algúns compañeiros.Ollade!

LOIS

DIEGO

JESÚS

AINHOA F

FELIZ DÍA DO LIBRO!!

Hoxe, día 23 de abril, é o Día Internacional do Libro. 

Por que se escollería esta data para a súa celebración? Que terá de especial o 23 de abril?

** Investigade como fixestes ontes e poñede as vosas pescudas nos comentarios.

Agora imos escoitar á mestra Ermi, quere darvos unha mensaxe ;)

Unha reflexión moi acertada profe! 

E vós? Aprendedes algo nas vosa viaxes polo mundo da lectura? 

**Podedes poñer as vosas reflexións nos comentarios.

MEDÍMONOS!!!

Despois do reto matemático do papel hixiénico a mestra Inés preparou un vídeo xenial para explicar as medidas de LONXITUDE. Gozade véndoo, seguro que vos aclara algúns conceptos clave.

• Agora facede a actividade proposta no vídeo na vosa casa e poñédeo por escrito nun folio ou caderno. Podedes medir a todas as persoas que viven con vós e saber que diferencia de altura hai entre todos.

• Eu (Laura) mido 167 cm, é dicir, 1,67 m. Que diferencia de altura teño con vós?

• Xa sabedes que 1 m son 100 centímetros (cm), pero saberíades dicirme cantos decímetros (dm) e milímetros (mm) ten un metro? Poñédeo nos comentarios.

22 DE ABRIL, DÍA DA TERRA

Non fai moito elaborastes uns textos explicando o respiro que lle estamos dando á Terra durante este confinamento e como se sinte.

Pois hoxe, 22 de abril, celebramos o Día Internacional da Nai Terra.
Pero sabedes quen instaurou esta data para a súa celebración e por que? E desde cando se celebra?
++Investigade e poñede as vosas pescudas nos comentarios.  

Agora ollade o vídeo que hai no blog da BIBLIOGALDO! Nel móstrase unha carta que o planeta Terra escribe para nós explicándonos o momento especial que estamos a vivir.E despois do vídeo tedes unha proposta de traballo.

OLLADE! OLLADE! É UN VÍDEO MARABILLOSO!!ESPERAMOS QUE VOS GUSTE!
CLICA NA IMAXE PARA ACCEDER AO BLOGUE 

Para facer a carta podedes entrar no blog da mestra Ermi onde se vos explica moi ben como facer. Clica e verás!

SINÓNIMOS E ANTÓNIMOS

Xa o aprendimos no primeiro trimestre, así que vamos a recordalo!!

Os SINÓNIMOS son palabras diferentes que teñen o mesmo significado. Úsanse para non repetir a mesma palabra varias veces. Por exemplo: colexio-escola, encerro-confinamento.

Os ANTÓNIMOS son palabras diferentes que significan o contrario. Ás veces fórmanse cos prefixos des-, i-, in-, im- e anti-. Por exemplo: lento-rápido, liberdade-cautividade, legal-ilegal.

A continuación tedes uns xogos online para repasar estes conceptos.

Sinónimos I

Sinónimos II

Antónimos I

Antónimos II

Agora que xa repasastes, escribide nos comentarios un exemplo de cada  un.

ESCOITA UN CONTO

Outra proposta de Bibliogaldo!!

Vamos escoitar un conto! A mestra Inés coa axuda do seu fillo Antón realizaron este vídeo sobre o conto titulado “Cinco minutiños máis”.

**Por certo, podedes ver este vídeo e outros moitos que se fan no colexio na nosa canle de Youtube. Podedes acceder a ela no enlace que tedes na columna da dereita.

E agora que xa escoitaches o conto, propoñemos as seguintes cuestións. Para contestalas podedes realizar un vídeo, un audio ou elaborar un texto.

·        Que foi o que máis che gustou?

·        Cantas actividades distintas saen facendo os raposos?

·        Cales son as palabras que aparecen escritas?

·        Ti tamén lles pides ao teu pai ou á túa nai “cinco minutiños máis”?

·        Cal é a actividade que máis che gusta facer cun maior da túa familia?

·        Elixe 5  das palabras que aparecen escritas no vídeo e fai unha oración con cada unha delas.

Podedes enviar o voso traballo (vídeo, audio ou texto) ao meu correo electrónico ou ao enderezo da biblioteca: bibliogaldo16@gmail.com

#RETOPORTADA DE LIBROS

Xa levamos moitos días na casa e comezan a xurdir moitas iniciativas en Internet.

Dende Bibliogaldo, o blogue da biblioteca do colexio (podedes acceder ao mesmo na columna da dereita, no apartado blogues de interese), propóñennos o seguinte reto:

RECREAR AS PORTADAS DOS LIBROS QUE MÁIS NOS GUSTEN E SACAR UNHA FOTO.

Vós teredes que ser os protagonistas (animal ou persoa) deses contos buscando a vestimenta máis parecida posible.

Despois, debedes de enviar a foto da portada do libro e a vosa imitación ao correo electrónico e iremos engadindo as vosas fotos no seguinte libro dixital. 

Botade unha ollada!! Algunhas mestras e algúns nen@s do cole xa fixeron as súas portadas. 

  

Retoportadasdelibros3

Publish at Calameo

Algúns compañeir@s xa enviaron as súas portadas. Aquí as tedes!!

 

O NOSO HORARIO

Levando tantos días na casa é importante ter unha organización. Igual que cando vamos ao cole temos un horario, na casa tamén é necesario. Pero supoño que isto non é nada novo para vós, pois xa levamos un mes na casa e o voso horario seguro que xa o tedes moi claro.

 

Gustaríame que elaborasedes o voso horario e xunto a cada cousa que facedes (levantarse, almorzar,  tarefas do cole, xantar...) escribades a hora en formato dixital (17:30, 13:00...)

*Un día ten 24 horas. En cambio, os reloxos analóxicos só marcan 12 números. É por iso que ao pasar das 12 horas (mediodía), nos reloxos dixitais seguimos contando as horas cara adiante: 13, 14, 15...  

Non esquezades tampouco que antes dos dous puntos escribimos a hora (:) e despois os minutos. 

Clica na seguinte imaxe e teredes uns xogos para practicar as horas nos reloxos analóxicos e dixitais.

AMANDA

LOIS

DANIELA

BRUNO

DIEGO ÁLVAREZ

JESÚS

AINHOA F.

AINHOA L.

LUIS

DIEGO ALEMPARTE